خبز معمر بالخضر فالفرن بالصور

اهلا وسهلا جاراتي ان شاء الله تكونو بخير
وعلى خير طريقة تحضير خبز معمر بالخضر
فالفرن محضر بطريقة جد سهلة من عند
الاخت ام انس جزاها الله عنا كل خير والكيفية
مشروحة بالصور وفهاد الوصفة خبز معمر
فالفرن ممكن ديري فيها الخضر لي مكيحبوش
الوليدات وتقدميها ليهم بشكل جد صحي ولذيذ
جدا ان شاء الله تعجبكم وتقدموها بالصحة والراحة
نتوكلو على الله ونبداو بسم الله

قائمة المحتويات

المقادير :

مقادير العجين :
دقيق
ملح
كاس زيت
خميرة الخبز
معلقة كبيرة سكر سنيدة
ماء دافئ

مقادير الحشوة :
جزر
بصل
قرع اخضر
فلفل اخضر
طماطم

معدنوس
هريسة
سمك معلب
ثوم
ملح
ابزار
كمون
تحميرة
خرقوم
زيت الزيتون
للتزيين :
اصفر البيض
زنجلان

طريقة تحضير خبز معمر بالخضر فالفرن :

اولا نعجنو العجين نديرو فقصرية الدقيق وسكر
سنيدة والزيت من الاحسن يكون زيت الزيتون
كتجي العجينة ديالو فتية والخميرة ونجمعو العجينة
وندلكوها مزيان وعاد فالاخير نزيدو الملح ولما
وندلكوها لاخر مرة وونجمعوها وخليوها تخمار
فمكان دافي ونغطيوها
وندوزو نحضرو الحشوة الخضر ديالنا كاملة
تحك على شكل طولي ومتوسط ونخليو كل
نوع على جنب ونسخنو المقلة
ونديرو فيها شوية الزيت

ونديرو فيها الجزر محكوك

ومعاه شوية الملح

وملي يبدا يدبال نزيد البصل

وحتى يترخاو عاد نزيدو القرع الاخضر

والثوم ونبقاو نحركو شوية حتى
يبدا يدخلها طياب

وعاد نضيفو الطماطم

والفلفل لي كان مشوي من قبل
ومقطع قطع صغيرة

ونبقاو نحركو ونضيفو التوابل كاملة لي
عندنا حسب الذوق ديالك

حتى تنشف الحشوة وعاد نضيفو السمك معلب

ونحركو مزيان

وناخدو العجينة ونقسموها لكويرات كبار
ونخليوهم يعاود يرتاحو لمدة 20 دقيقة

ونجيبو الكرة الاولى ونطلقوها فوق
اناء مرشوش مزيان بالزيت

ونديرو الحشوة فالوسط ونسرحوها شوية

وتكون الكمية ديال الحشوة كافية باش
تغطي العجينة كاملة وتكون طبقة متوسطة
ونجيبو كرة الثانية ونطلقوها وليني تكون اصغر
من الاولى ونغطيو بيها الحشوة ونطويو جنياب العجينة