السلام عليكم جاراتي الغزالات كيف الاحوال
بسكويت بالشكلاط وصفة مقدمة لنا من
موقع moutfou الرائع و وصفاته السهلة
تحضريه للوليدات بكل حب وفرح بطريقة
جد بسيطة والنتيجة جميلة ان شاء الله
نتوكلو على الله ونبداو بسم الله
مقادير 30 بسكويتة :
200 غرام مايزينا
250 غرام زبدة
2 حبات بيض
150 غرام سكر صقيل
معلقة صغيرة روح الفانيلا
او كيس سكر الفانيلا
1 كيس خميرة الحلوة
2 معالق صغار كاكاو مر
الدقيق حسب الخليط
مقادير الكناش :
40 سنتيليتر قشدة سائلة
200 غرام شكلاط اسود
200 غرام شكلاط ابيض
طريقة تحضير بسكويت بالشكلاط :
اولا كنطربو البيض مع السكر سنيدة بالطراب
الكهربائي وحنا على نفس المنوال نضيفو
الزبدة وملي يندامجو نزيدو الفانيلا والكاكاو
من وراها مايزينا والخميرة وملي هادشي
كامل يعطينا خليط متجانس نحبسو تطراب
ونبداو نضيفو الطحين بشوية بشوية وحنا
كنعجنو مندلكوهاش حتى تولي عندنا عجينة
رطبة مكتلصقش نجمعوها فكيس بلاستيكي
غذائي ونخليوها ترتاح لمدة 30 دقيقة وندوزو
نحضرو الكناش فكاسرونة نديرو القشدة تغلى
ونزيدو عليها الشكلاط الابيض والاسود
ونحركوهم مزيان حتى يوليو خليط متجانس
ونخليوه على جنب ياخد درجة حرارة المطبخ
ونجيبو العجينة نسرحوها بالدلاك ونقطعوها
بالمقطع لي بغيتي ولي عندك ماشي شرط
شكل محدد ونستفوهم فطاوة مدهونة مزيان
بالزيت وندخلوهم يطيبو في فران مسخن
على درجة حرارة 180 لمدة تقريبا 20 دقيقة
وكتبقا على حسب نوعية الفرن وملي نخرجوها
من الفران وتبرد نجمعو كل جوج بالكناش
ونقدمو بسكويت بالشكلاط
بالصحة والراحة
في امان الله
wa3ERE
حلويات راىعة اتمنى ان تعلميني
غير تبعي تعليمات واي استفسار انا فالخدمة
waw
zwin
شكرا حبيبة