المكونات
125 غ زبدة
كأس شاي زيت
كأس شاي سكر
رشة ملح
م ص فانيليا
كيس خميرة كيميائية
2 م ك حبيبات الشكولا
2 م ك زبيب مقطع صغير
2 م ك شوكولا فرميسال
م ك نشاء
2 بيضات+صفار بيضة
فرينة
التزيين:
بياض بيضة
كاوكاو محمر ومطحون
شوكولا ذائبة
الطريقة
فى وعاء نخلط مليح السكر+الزبدة+الزيت حتى يذوب السكر ثم نضيف البيض و نخلط حتى تولى كريمة و ندخل فيها النشاء ثم نزيد الشكولا فغميسال و حبيبات+الزبيب+ الخميرة و نجمع بالفرينة بتدريج حتى نتحصل على عجين طري.
بين زوج بلاستيكات نحل العجينة بسمك نصف سنتيم من الاحسن نحلها مستطيلة او مربعة باش ما نحيش زوائد كثيرة ثم ناخذ اي كأس دائرى نقطع القطعة الأولى باش نشكل القوس الداخلى للهلال الأول ثم نكمل نطبع كامل العجينة.
من بعد ندهن وجه الهليلات كامل ببياض البيض ثم نرمد فى الكاوكاو و نضعها فوق صينية مرشوشة بالفرينة و نطيبها فى فرن ساخن على 180درجة حتى تأخذ اللون الذهبى.
بعد ما طابت الحلوة و بردات شوية نزينها من فوق بخطوط الشوكولا و نخليها حتى تنشف و نقدمها.
ترك تعليق