العجينة:
نصف كيلو دالطحين
1 بيضة
نصف كأس زيت
1 ملعقة كبيرة زبدة
1 ملعقة صغيرة خميرة دالخبز
ملح حسب الذوق
ماء دافئ للعجين
كنخلط كلشي من غير الماء وكنندخل الزيت والزبدة مزيان في الطحين من بعد كنزيد الماء وكنعجن العجينة مزيان ونخليها تخمر واحد ساعة من بعد كنقسما على 2 كويرات وكنطلق واحد الكويرة على شكل مستطيل او مربع او دائري وكنعملو في سينية الفرن وكنعمل الحشوة في الوسط وكنخلي الجوانب خاوية وكنزيد فوق الحشوة التون والبيض مسلوق وكنطلق الكورة الثانية وكنغطي بيها وكنضغط عليها مزيان في الجوانب وكنلويهم بالاصابع باش ما تفتحشي و كنزينا بدك العجينة الي بقات (اختياري)وفي الاخير كندهنا بالبيضة مخفوقة مع قطيرات دالحليب وكندخلا نالفران تطيب .
الحشوة فيها :
البطل مقطع مربعات كبيرة وفلفل احمر مقطع كنشحروم في شوية الزيت من بعد كنزيد الطماطم مقطعة صغيرة اوطماطم معلبة (صوليص) شوية ثوم محكوك وملح وابزار ملي كيطيب كنطفي عليه ونخليه حتى يبرد مزيان وضروري يتصفى ادا بقى فيه الزيت عاد تتعمر بيه العجينة .
ترك تعليق