.المقادير
3 كيسان عنبة دقيق
3كيسان عنبة فينو
ملعقة كبيرة خميرة فورية
ملح
ربع كاس زيت زيتون
كاس حليب دافئ
ماء دافئ لجمع العجين
*الطريقة: خديت كاس الحليب درتو جبانية وظفت ليه الخميرة وشوية من الفينو وخليتو يتفاعل حتى تفاعل الخليط و ظفت الدقيق والفينو وزيت الزيتون الملح خلطت كلشي وبقيت كنظيف فالماء شوية بشوية حتى تجمعات العجينة ودلكتها ومرة مرة كنزيد شوية الماء حتى رجع العجين لين ورطب ودهنتو بزيت الزيتون وغطيتو يخمر منين خمر شكلتهم كرات متوسطين كندوزهم فالفينو وغطيتهم يرتاحو شوية من بعد كرصتهم فالفينو وغطيتهم يخمرو 10 دقائق وبديت كنطيب فيهم وكندهن وجه البطبوط بزيت الزيتون هكا باش كيجي مذهب وزوين
وبالصحة والراحة
ترك تعليق