لغزالات لاباس عليكم اليوم جبتليكم عصير باناشي اقتصادي ورائع . مع دخول الربييع والحرارة بردي على قلبك ولا جاك ضيف على غفلة بسرعة يوجد
مكونات العصير
لتر ماء بارد
دانون فيلوتي تاع الفواكه تاع جوج دراهم
خميرة تاع فاني البيضاء
بنانة واحدة
جوج فريزات
برتقالة تقشريها وقطعيها وديري شوية تاع لقشور تاعها اي نصف قشورها
سكر جوج معالق تاع سنيدة
وخلطي كولشي مزيان مزيان وعطي لضيافك وشربي حتى نتي بردي على قلبك فهاد صهد
راه كيجي رائع وغزااااااال وكندير حتى تاع الحامض قريبا نحطو ليكم
جارتكم أم هديل
chokran khti om hadil 3la had 3assir dyal panachi zwiine
ana ghadi njarbo
بصحتك الزين غي جربيه غبعجبك
Salam akhti ana kan9olha odima ghadi n9olhalik tbarkalah 3lik olwasafat dyalki zwinin osahlin lahla ykhatik omatghabrich 3lina dima fidina m3ak chokran bzaf bzaf
العفو اختي منار ربي يخاليك شكرا ليك عل كلامك زوين
Tbarklah 3lik akhti om hadik ola lwasfat dyalk
Bnsba akhti om hadil wch lwra9 mazl matl3o lik bcha tji 3nd rajlk WLa yalh 3mertihom osiftihom omazl majwbok WLa chno
ربي يخاليك الحبيبة حتى نتي وصفتك غزالين مشاء الله
اه اختي باقي كنتسنى عللله يهديهوم لا حبيبة راني عمرت وفت تعمار لهيه ههههههه باقي جواد ميركان معيطوليا واش نتي مشيتي التحاق بزوج ديالك ولا قرعة مجاوبتينيش
wch kmlti 3am bch df3ti lihom hit dakchi kaiokhd 3am t9riban bach itle3 oana jit iltiha9 bzawj
ana jit alhbiba itiha9 bzawj. rah lhbiba dok lasail kaikhdo 3am bch itel3o t9riban
تبارك الله عليك اختي.
الله يبارك فيك اختي عائشة
تبركالله علی لحادكة ديالنا جربتو لبارح جا غزال شكرا احبيبة
بصحتك اختي اناروس
LAH I3TIK SAHA AHBIBA
الله يبارك فيك اختي زهيرة
tbarkalah 3lik banach ja ghzal wldid
بصحتك الحبيبة ربي يخاليك
Salam akhti li9olto ha9i9a walah mhit wasafatak ana kolhom jarabthom rw3a tbarkalah
والله هو اللي غادي ينفع فهاد الايام شكرا اللّٰه يعطيك الصحة
سلام أختي هديل كيعجبوني وصفاتك و مجربة البعض منها كتجي رائعة الله يوفقك و يحقق ليك كل ما تتمناي. لكن مفهامتش أشنو كتقصدي بخميرة الفاني في بعض العصائر ليحاطة ممكن تشرحي لي أو صورة لهذ الخميرة واشهي خميرة الحلوة؟؟؟؟؟؟؟؟؟؟؟ شكرا بزاف راني كنتسنا الجواب الله يسترك.
slm rah had al 3asir 3jebni wach laehty fe safha al 3asir dyal al hamed kay3jabni al hamed bzaf kantmana al jawab dyalek drya
Salam rah Ma3jabnich majach zwin