السلام عليكم حبيباتي كيدايرين لباس المهم اليوم غنقدم ليكم طبق اللحم بالخرشوف مهم درتو اليوم الغدا قلت مافيها باس نشاركم
المقادير
مهم كنحتاجو اللحم على حساب الاشخاص
بصلة مشلضة
التوابل(الملح خرقوم الزعفران البزار سكين جبير)
مطيشة محكوكة
ضامة البنة
الزيت البلدية
طريقة عمل طبق اللحم بالخرشوف
كنديرو اللحم و البصلة و التوابل اتشحر مزيان
من بعد نمرقو باش يطيب اللحم و ملي دير نص طيبة نزيدو مطيشة محكوكة
و ممكن ضيفي الجلبانة الى بغيتي
مهم نشيو ناخدو الخرشوف نقيوه مزيان
و نديروه فالماء و الطريف دالحامض باش مايكحال و ملي طيب نخليوه يتسقطر
ونديروه على اللحيمة ديالنا و ها الغدا ديالنا وجد و منساوش الزيتون من الفوق
و بالصحة و الراحة و متنسانيش بالدعوات ديالكم شهية طيبة
هاهوما صور مراحل طبق اللحم بالخرشوف وأي سؤال المرجو تركه في تعليق
الله يعطيك الصحة
chokrane ahbiba rbbi ikhlik
Brain Benin tbarklah 3lik
bs7a wra7a mrhba bik 3ndi
salam tebarekelah 3elik 3afaki mere9a makatejich benina o3edozeti dimakaterawet
سلام عليكم شكرا بزاف الله عطيك صحة
Tbarklah hadchi zwin
Ga3 wasafatkom naj7inTbarklah 3likomn
الله يبارك فيك و بالصحة و الراحة
تبارك الله عليك
حتي واش ماكتكونش فيه التونة.؟