ميني طارط بالفواكه ، من الطورطات الرائعة مذاقا ومنظرا تقدم كديسير أو يمكن تحضيرها للاطفال في مختلف الأوقات والمناسبات
هاد الطارطوليت أو ميني طارط بالفواكه الشهية هي مشاركة من sousou culinaire على أمل ان تنال اعجابك . كما يمكنك أنت أيضا مشاركة وصفاتك على موقع جاراتي من هنا : ” مشاركة وصفات “
طارط صغيرة بالفواكه حسب ذوقك، والافضل كل مرّة تعمليها بنوع جديد من الفواكه . وأكيد ستعجب الوليدات
مقادير العجينة:
رابعة دقيق
نصف رابعة زبدة
نصف كاس سنيدة
قبصة الملح
أصفر بيضة
الكريم پاتيسيير:
ربع لتر حليب
2 ڤاني
3 أصفر البيض
2 ملاعق سنيدة
ملعقة دقيق
للتزيين:
فواكه حسب الدوق
مربى حسب الذوق
طريقة عمل ميني طارط بالفواكه :
نخلطو الدقيق مع السكر و الملح،
في الوسط نحطو الزبدة و ندخلوها بشوية في الدقيق حتا يولي فحال الكسكس،
نجمعو العجينة بأصفر البيض بلا ماندلكوها،
نسرحوها بالمدلك و نقطعوها علا قد لي مول دياول الميني طارط،
نبسطو العجينة مزيان فالمول ندخلوهم يطيبو لمدة 20 دقيقة تقريبا حتا يتحمرو
نصاوبو الكريم پاتيسيير،
نديرو الحليب يغلي مع 1 ڤاني،
و نطربو فإناء آخر اصفر البيض و 1 ڤاني و السنيدة و الدقيق،
و نضيفو ليهم الحليب اللي غلينا تدريجيا مع مواصلة التطراب،
نرجعو الخليط في كاصرونة اللي غلينا فيها الحليب
و نديروه فوق العافية مهيلة و حنا تانحركو حتا تعقاد لينا الكريم و نخليوها تبرد
ناخدو الطرطات اللي طيبنا، نديرو فكل وحدة ملعقة من الكريم،
و نديرو فوقها الفواكه حسب الرغبة،
نسخنو المربى شوية فوق العافية و ندهنو بيه الفواكه باش يوليو يلمعو،
هاهي صور التقديم ديال ميني طارط بالفواكه ديالنا
نقدموهم باردين بالصحة و الراحة
عجبني هاد الشي وغادي ندير بحالها mrc