السلام عليكم ورحمة الله تعالى وبركاته اش خباركم نتمنى تكونو فاحسن الاحوال
المهم غدي نشاركم ان شاء الله بهاد الطوجين راه كيجي من افضل ما يكون
طاجين دجاج و جلبانة مشحر بالصور
المقادير
دجاج+جلبانة+بصلة دوائر+زيت البلدية+سمن+تومة+حامض مصير+التوابل(ملح+كامون بزايد+تحميرة
شوي ابزار+شوي سكنجبير+العطرية د المروزية+زعفران حر)
طريقة التحضير
كنديرو فالطاجين التومة محكوكة+لبابة د المصير+زيت بلدية+سمن والتوابل ونرقدو الدجاج ونشحروه مزياااان
ونزولوه من الطاجين ونزولو حتى التغميرة
نفرشو البصلة دوائر
ونديرو فوقها الدجاج والجلبانة ونصبو التغميرة من الفوق ونرشو شوي الكامون
ونقفلو الطاجين بورق السلفريزي والالمنيوم ونديروه على نار مهيييييلة بلا ماء (حيت كتطلق الماء البصلة والجلبانة) حتى يطيب ويتشحر
هو بالصحة والراحة مع شليظة وخبز الدار
ترك تعليق