المقادير
4 بيضات
كأس غير مملوء سكر مايعادل 140 غ
نصف كأس زيت مايعادل 75 مل
كأس إلا ربع ماء ساخن
3 ملاعق ك حليب مجفف
ملعقة ك خل
ملعقة ك زبدة مذابة
250 غ دقيق ابيض مايعادل كأسين ونصف
خميرة حلويات ونصف مايعادل 12غ
فانيلا وملح
للحشو
مربى المشمش
3 ملاعق ك سكر
جوز الهند المبشور للتزيين
الطريقة
كنضربو البيض مع إضافة للسكر بالتدريج والفاني حتى يطلع مزياان ثم نخطلو الماء مع الحليب المجفف والزيت والزبدة المذابة
نضيفو هاد الخليط على البيض مع الخلط على أقل سرعة ومباشرة ملي نسالي نحبس الخلاط
نزيد المواد الجافة مغربلين والخل ونخلط من أسفل إلى اعلى حتى ينسجمو مزيان منكترش الخلط باش ميطيحش الخليط ونصدقو معيطين للاسعاف يهزوه. 🍋.. احم.. نكملو..
نوزعو الخليط في قوالب الكيك الفردية ثم إلى الفرن على حرارة 150 ولا نار مهيلة جدا حتى يطيبو ويتحمرو ونخليوهم يبردو تماااما.
ناخد موس حاد ومدبب ونحاول نفتح وسط كل كيكة بشكل دائري في غادي نعمر المربى
نوضع المربى على النار مع السكر حتى يغلي و يعقاد مزيان ثم ندهن الكيكات بكمية من المربى لي احتفضت بيها سابقا ونفندهم في الكوك.
نعمر الوسط بالمربى لي غليت بعد ميبرد شوية وبالصحة 🌷
ترك تعليق