صدرة دالدجاج كنعملا ياغورت طبيعي وشوية فلفل احمر غبرة ،ابزار،ثوم غبرة او طبيعي محكوك،وخرقوم،سكنجبير،ملح،قصبور يابس مطحون كيعطي مذاق غزال نالشوارمةوشوية دالزيت شوية د عصير الحامض كنشرملوم ونخليهم شوية من بعد نعملهم في المقلاة مع قطيييرة د الزيت او الزبدة ماشي بزاف من بعد ملي يتقلاو وينشفو كنحيدوم ونعمر بيهم الشوارما كنقطع خبز الشوارما على 4 ونعمل صلصة بيضاء ونعمل شوية د الخص وشوية د البصل مقطع طويل و الدجاج ونطويها الطريقة د الطوي مبينة في الصور ومن بعد نلويها فورق الالميوم .
وممكن نعملوها كبيرة ونزيدولا طماطم مقطعة ولا على حسب الرغبة ونعملوها تتحمر شوية في الة البانيني او مقلاة تقيلة.
الصلصة البيضاء عملت فيها:
ياغورت طبيعي (دانون مسوس) وشوية توم محكوك وشوية ليمون 🍋 معصر وشوية ملح وابزار وشوية طحينة واحد دانون عملت فيه نصف ملعقة طحينة (الطحينة كنشريها واجدة ولكن ممكن تتوجد في الدار بالزنجلان محمص مطحون مزيااااان مع شوية د الزيت حتى كترجع فحال العجينة خفيفة شوية) وادا بغيتو ممكن تتدهن بالمايونيز مكتر فيه الثوم.
ترك تعليق