لتحضير رغايف او مسمنات فاسرع وقت :
زلافة دقيق الفينو او السميد الرقيق
زلافة و ربع دقيق ابيض
ملعقة صغيرة خميرة خبز حبيبات
ملعقة صغيرة سكر سنيدة
القليل من الملح
نخلطو العناصر كاملين نعجنو بماء دافي مدة خمس دقائق فالعجانة نشكلو كويرات متساوية الحجم نستفوهم فطاوة مدهونة بالزيت.
على جنب نخلطو القليل من السميد مع نصف ملعقة خميرة حلويات
و زلافة فيها زيت المائدة للتوراق
نسرحو كويرة العجين بمساعة الزيت نرشو خليط السميد مع الخميرة نلفوها على شكل مربع و نسرحو كويرة اخرى بنفس الطريقة الأولى و بلاما نلفوها نحطو فوسطها المربع الاول و نلفوها ( مسمنة فوسط مسمنة ، باش اجينا مورق ) نحتفضو بيهم على جنب حتى نكملو الطويان نحطو مقلاة غير لاصقة فوق نار متوسط و نبداو نطلقو المسمينات بأيدينا منرققوش بزاف نرشو القليل من الزيت فالمقلاة ونقلبو المسمينة بشكل متكرر باش تتنفخ وتتحمر من الجوانب بجوج.
كيجيو خفاف مورقين مميدمينش حيت فيهوم الخميرة مكيتقلوش على المعدة
بالصحة والسلامة 🌹
#مسمن #مسمن_مغربي #مسمنات #رغايف #رغايف_مغربية #مسمن_ملوي #فطائر #فطور_الصباح #فطور #فطور_صباحي #فطوري #فطور_مغربي #فطور_تركي #فطور_مغربي💯💯 #صباح_الخير #صباح_الحب #شهيوات_مغربية #شهيوات_تقليدية
ترك تعليق