شوربة السمك بنينة وبشكل مختلف

شوربة السمك بشكل جديد ومختلف من الجارة بشرى

المقادير مع طريقة التحضير:

ناخد أولا الحوت الأبيض أو أي حوت نصلقوا مع مليحة

وورق سيدنا موسى باش نزول لو شوك

من بعد ناخد طنجرة ندير فيها المرق ديال سمك ونزيد خيزوا محكوكة طويلة

وفلفلة حمراء مقطعة مربعات و الملح والإبزار ورق سيدنا موسى

وصلصة السمك وشوي من ثومة بدرة

ونزيد القمرون منقى والشعرية رقيقة ونخلوا الكل يطيب

وحتى يبقى شي 15 دقيقة
ونزيد الحوت المصلوق ونحرك

ومنين يطيب ونزيد دقيق مخلط بالماء باش نتقلوا شربة  ديالنا

ومن بعد كنزيد المعدنوس مقطع ونخلها تغلى

ونطفي ونزيد عصير تاع الحامض

وهاهي الشوربة واجدة

بالصحة والراحة

[author image=”https://lh6.googleusercontent.com/-J4AN6ByawQs/U8K1f0ugrSI/AAAAAAAAQ94/V7GCBD85yPw/s200/jara.png” ]الجارة بشرى[/author]