كوكيز بلا سكر صحي و لذيذ بالصور

جبت ليكم وصفة سهلة كوكيز بلا سكر صحي و لذيذ بالصور نتمنى يعجبكم وتجربوه

مقادير كوكيز بلا سكر 

1 كاس رقائق الشوفان.
1 كاس دقيق قمح كامل أو دقيق شوفان ( ستعملت دقيق الشوفان)
100 غ تمر رطب بدون نواة ( ستعملت عجينة تمر)
1 كاس حليب.
ثلث كاس زيت زيتون.
2 معالق كبار زريعة لكتان.
1 معلقة كبيرة حبيبات شكلاط.
1 ألزا ماء الزهر.
نص خمارة.
1 بيضة.

طريقة تحضير كوكيز بلا سكر صحي و لذيذ بالصور 

نرطب تمر فلحليب ساعة ثم ندوزو فالخلاط الكهربائي حتى يرجع

تقريبا كريم. نزيد الزيت و البيض و ألزا ماء الزهر ونخلط مزيان.

نزيد الدقيق و الرقائق و لخميرة.

وفالأخير زريعة لكتان و حبيبات شكلاط.

نحط بمعلقة فلاطة مفرشة بورق السولفوريزي ودخلها

لفران معتدل الحرارة 15 دقيقة.

هاهو ملي خرج من الفران.

بالصحة و الراحة