اليوم جارتي أقدم لك الطريقة ديال عمل سيڭار باللوز على شكل هلاليات تايجي فن فالمذاق وحتى المنظر ديالو زوين ويمكن عمله في المناسبات
طبعا مقادير وطريقة عمل السيكار باللوز فهي بالصور والشرح الوافي ، والوصفة للأخت سكينة جزاها الله عنا كل خير . وللمزيد من حلويات اللوز تفضلي جارتي بزيارة قــســم حلويات اللوز
مقادير العجين :
3 زلايف دقيق
زلافة زبدة ذايبة
زلافة سكر صقيل
بيضة
نصف خمارة
نصف كاس ماء الزهر
1 ڤاني
مقادير عقدة اللوز
3 زلايف لوز مطحون
زلافة سكر
ماء الزهر
1 ڤاني
قشور حامضة
للتزيين:
اصفر البيض + لوز مهرمش
طريقة عمل سيكار اللوز :
نخلطو الدقيق مع الزبدة مزيان حتا تدخل الزبدة في الدقيق،
و نضيفو السكر، البيض، الخميرة و الڤاني حتا نحصلو علا خليط متجانس،
و نجمعو العجينة بماء الزهر و الحليب حتا نحصلو على عجينة رطبة و ساهلة في العجن،
نشكلو منها كويرات و نخليوهم يرتاحو
نوجدو عقدة اللوز، نخلطو المقادير كلها و نجمعوها بماء الزهر حتا تجمع لينا العقدة
نسرحو العجينة و نقطعوها على شكل مثلثات صغيرة،
نشكلو من العقدة أصابع و نديروهم بالجهة الكبيرة ديال المثلث،
و ندورو العجينة من الجهة الكبيرة للجهة الصغيرة حتا يتشكل عندنا سيڭار
ندهنوهل باصفر البيض، و نرشوهم باللوز مهرمش،
نديروهم فلاطة مرشوشة بالدقيق و ندخلوهم للفران يطيبو حتا يتحمرو
وهاهو سيكار باللوزديالنا نقدموه بالصحة والراحة
الله يعطيك الصحة جا غزال وساهل
بارك الله فيك جزاك الله خيرا