اليوم غدي نقدم ليكم اسهل بسطيلة الدجاج بالصور كتجي بنينة بزاف امكطلبش وقت كثير في التحضير اليكم الطريقة
مقادير بسطيلة
دجاجة مقطعة + التوابل كاملة الا التحميرة + الزعفران +اللوز مقلي و مهرمش + 8 البيضات + ورقة البسطيلة + كيلو البصلة مقطعة + السكر سقيل و القرفة للتزيين و 3 ملاعق زبدة مذابة
نخليكم مع الصور
طريقة تحضير اسهل بسطيلة الدجاج بالصور
الدجاج طايب مع العطرية و الزيت و البصلة
نزولوا الدجاج من المرق باش يتسقطر و ينشف تماما
البصلة لي بقات لينا في الطنجرة نضيفوا عليها 8 البيضات و نخليوها حتى تنشف مزيان من المرق لي فيها
نمرو للدجاج و نقيوه مزيان من العظام لي فيه
نوجدوا ورقة البسطيلة
كيفية تحضير ورقة بسطيلة في المنزل
https://www.jaratii.com/recipe/3279
المرق ملي ينشف مزيان نوضعوه حتى هو في مصفاة يتسقطر الا بقات فيه شي حاجة ثم نضيفوا عليه
السكر سقيل جهد 4 ملاعق كبار و نوضعوه جانبا
نهرمشوااللوز بعد ما قليناه و نضيفوا ليه حتى هو ملعقة كبيرة سكر سقيل والقرفة و شوية
من البصلة لي عملنا باش يعقاد شوية لانه تيكون مفرق و البصل غادي يجمعوا شوية
ناخدو المول ديال البسطيلة و نفرشوا الورقة و ندهنوها بالزبدة و نفرشوا التفريشة الاولى لي هي الدجاج
و نوضوعوا فوقوا الورقة و ندهنوها كذلك بالزبدة
و نضيفوا التفريشة الثانية لي هي البصل و البيض و نوضوعوا فوقوا الورقة ثم التفريشة ديال
اللوز و نغطيو البسطيلة بالورقة من جميع الجوانب
نخليكم مع الصور
ندهنوا البسطيلة بالزبدة و ندخلوها للفرن
و ها البسطيلة واجدة و لذيذة بزاف
بصحة والراحة
jamiiile jamiiile jiddane
ALLAH YE3TIK SAHA GHZALA
عجباتني بزاف غدي نعملها ورد لخبار عليك الجارة شكرا
hadchy zwin bezaf lahe y3tik sa7a lahe ykhlik ila kan momkin t3tini ma9adir otari9at wer9at bastila hit chritha mais ghlida bezaf jatni khyba bezaf f bastila
merci
شكرا اختي سميرة (كيفية تحضير ورقة بسطيلة في المنزل) http://www.jaratii.com/recipe/3279
oki merci khti lahe y3tik s7a lhla ykhtik merciiiiii bezafffffff
شكرا غير بصحة ورحة
merci alah y3tikom saha
ZWINA BZAF
Tbark lah 3lik wlh 7ta rada njrbha lyoum
تبارك الله عليك