اليوم جبت ليكم مسمنة معمرة بالمكسرات في الفرن بالصور
هاد المسمنة كتجي بنينة ورخيصة و يمكن ليك
تعمريها باش ما بغيتي لوز – كاوكاو – فستق
كوك – جنجلان -كركاع او بالجميع
مقادير عجين مسمنة معمرة بالمكسرات
500g فورص
1فاني
ملعقة كبيرة الزبدة رطبة
ملعقة كبيرة سنيدة
شوية ملح
ماء دافي العجن
طريقة تحضير مسمنة معمرة بالمكسرات في الفرن بالصور
نخلطو الجميع و نبقاو ندلكو حتى تبدا طرطق
نقسموها كويرات صغار
ندهنوهم بالزيت و نخليوهم يرتاحو
من بعد ندهنو لاطة بالزيت ونورقو المسمنة 1
و ندهنوها بالزيت عاد الزبدة رطبة ماشي دايبة و نحطوها
فاللاطة و نرشو سنيدة و اللوز
و نعملو نفس العملية حتى نكملو كاع لكويرات
و نخليو المسمنة ترتاح شوي على ما جمعنا الروينة
و نعاودو نكرصوها شوي و ندهنوها بازبدة من الفوق
و نطيبوها و ندهنوها بالعسل و اللوز من الفوق
وهاهي كتجي هائلة
بالصحة و الراحة
كنشكرك على هاد الشهوات الزونين و الساهلين
يا ليت تنكتب المقادير باللغة العربية وليست المغربية اذا تكرمتي
chokran lik akhti
تبارك الله عليك