اهلا وسهلا جاراتي الغزالات الوصفة الثانية
لليوم بيني بالشوفلور كيفما مسمياها صاحبة
الوصفة لالة سهيلة الله يجازيها بخير هي على
شكل معقودة مقدمة بطريقة جد سهلة وحتى
المقادير متوفرين وفهاد الموسم موجود الشوفلور
الحمد لله كيفية التحضير مشروحة بالصور
نتوكلو على الله ونبداو بسم الله
المقادير :
حبة شوفلور
قزبر مقطع
ملح
ابزار
قبصة كوزة محكوكة
2 حبات بطاطس
1 حبة بيض للخليط
حبة او حبتين للقلي
خبز محمص
طحين
زيت للقلي
طريقة تحضير بيني بالشوفلور :
اول حاجة ناخدو حبة الشوفلور ونغسلوها
مزيان بما فيه الخل ونديروه يتسلق فما مالح
لمدة تقريبا 20 دقيقة ملي يطيب نصفيوه
ونمعسوه بفورشيطة ونفس الشيئ بالنسبة
لبطاطة نسلقوها فما مالح ونمعسوها
بفورشيط ونزيدوها على الشوفلور والقزبر
مقطع وحبة البيض والكوزة محكوكة والملح و
الابزار ونخلطو الكل مزيان حتى يولي متجانس
ونسخنو الزيت فمقلة فوق عافية متوسطة
نديرو كويرات ونبسطوهم شوية نفندوهم فالطحين
من بعد البيض مطرب ومن بعد خبز محمر
مطحون لي هو شابلور ونديرو بيني بالشوفلور
يتقلى
من جوايه بجوج حتى يولي اللون ديالو
محمر وزوين
ونقدموه فطبق مغطي بمنديل من ورق
باش يمص الزيت الزائد مقدم مع قطع
من الحامض ونقدموه دافي بالصحة والراحة
كنتمنى تجربوه وينال اعجابكم ونالو نصيب
من صالح دعائكم ولاغلى الناس بالشفاء
العاجل ولصاحبة الوصفة
في امان الله
ياربي امين حبيبة